Xəzər Universitetinin Mövlana Ədəbi-Fəlsəfi Araşdırmalar İnstitutunun koordinatoru dr.Fəridə Seyidova Qazaxıstanın Türküstan bölgəsində yerləşən Əhməd Yəsəvi adına Türk-Qazax Universitetini ziyarət edib. Universitetin Türkoloji araşdırmalar İnstitutunun müdiri dos. Xəlil Çetin ilə görüşən Seyidova ona İnstitutun fəaliyyəti barədə məlumat verib birgə əməkdaşlıqla bağlı təkliflərini təqdim edib. Türkoloji istiqamətlərdə tədqiqlər aparan Mərkəzin müdiri Çetin də 5 ildir nəşr etdikləri jurnal barədə məlumat vermiş, qonaqları Universitetlə tanış etmiş və gələcək planlarla bağlı fikirlərini səsləndirmişdir.
